La rifuĝintoj ne estas rifuĝintoj!

作者 aŭtoro: Andreas J. PENK @, 来自 el: Berlino, Germanujo, 发表于 afiŝita je 星期六, 三月 11, 2017, 20:28 (613天前)
编辑: Solis, 时间: 星期日, 六月 11, 2017, 23:42

En 2015 kaj 2016 amasoj da homoj el Arabaj kaj Afrikaj landoj venis en la landojn de la Eŭropa Unio. Trans la maro per malnovaj ŝipaĉoj aŭ per-piede tra Turkujo. La fina celo de la plej multaj el ili estis Germanujo, pli ol unu miliono iris tien. Estas disertantoj el Sirio, homoj kiuj fuĝas el Afganio pro la milito en sia lando kaj plejparte junaj viroj serĉantaj nur pli bonan ekonomian vivo. Malgraŭ la fakto, ke oni nomas ilin ĉiujn rifuĝintoj, nur la plej malmultaj el ili estas rifuĝintoj laŭ Ĝeneva Konvencio. La aliaj estas kontraŭ-leĝe en Germanujo.

S-ino Federacia Kanceliero d-ino Angela MERKEL, ankaŭ estro de la kristandemokratoj en Germanujo, malobeis partojn de la Baza Leĝo (konstitucio), rompis internaciajn kontraktojn kaj ne atentis diversajn leĝojn por akcepti la tiel-nomatajn rifuĝintojn en Germanujo. Fakuloj pri konstitucia juro parolas pri rompo de la konstitucio. Preskaŭ ĉiuj Germanaj politikistoj kaj ĵurnalistoj tamen honoras MERKEL-n pro sia bona koro, sia humana decido inviti la homojn en Germanujon, kaj la "rifuĝintoj" nomas ŝin Panjo Merkel. Kritikantojn de ŝia politiko oni nomas malamikoj de eksterlandanoj, rasistoj, ekstrema-dekstruloj, novnazioj (verŝajne la plej malica ofendo en Germanujo).

[image]

Politikistoj de aliaj landoj de la Eŭropa Unio, kiuj ne pretas akcepti la politikon de MERKEL, estas akre atakataj en la Germana gazetaro: ekzemple s-ro Viktor ORBAN, ĉefministro de Hungarujo, kaj s-ino Beata SZYDLO, ĉefministro de Pollando. Oni nomas ilin kontraŭ-demokratoj. Je la komenco de la popolmigrado MERKEL deklaris: Ni majstros tion! (germane "Wir schaffen das!") Sed ŝi diris neniam kiel-maniere. Ĉu MERKEL estas bona homo, bona politikisto, kiu nur intencis helpi?

Kontraktoj inter la Eŭropa Unio kaj Afriko detruas la industriojn en la Afrikaj landoj. Subvenciitaj, malmultekostaj produktoj el la Eŭropa Unio - ekzemple tekstilaĵoj kaj agrokulturaj produktoj - elpuŝas lokajn varojn. MERKEL subtenas la sankciojn kontraŭ Sirio, sekve en la lando mankas varojn kaj rezervajn maŝinpartojn. Germanujo finis pagi por la tendaroj de rifuĝintoj en Libano kaj aliaj landoj. MERKEL ne estas bonkora homo aŭ politikisto. Ŝia politiko kaŭzas, ke milionoj da homoj suferas en iliaj landoj respektive rifuĝejoj.

La plej multaj, do ĉirkaŭ 80 procentoj de la kontraŭ-leĝaj enmigrantoj en Germanujo venis sen legitimiloj. Sed preskaŭ ĉiu el ili posedas poŝtelefonon (Smartphone). Multaj el ili mensogis koncerne la propra nacieco respektive la kaŭzo forlasi la propran landon. "Junuloj" estas jam plenkreskuloj. Islamanoj atakas kristanojn en komunaj domoj. Parto de la islamanoj ne pretas akcepti manĝaĵon el la manoj de virinoj. Ili ofendas virinojn, eĉ oficistinojn per vortoj, gestoj kaj agoj. Ofte oni devas legi, ke iu kontraŭ-leĝa enmigranto atakis Germanon vokante "Alaho estas la plej granda!" Fakte multaj Germanaj virinoj timas nun sole promeni post sunsubiro.

La plejmulto de la Germanaj politikistoj kaj ĵurnalistoj kontraŭdiras: Estas nur unikaj kazoj! Ili asertas, ke informoj pri tiaj okazaĵoj estus plejparte fuŝaj respektive mensogoj (angle Fake News). Fakte multaj en TTT troigas pri tiaj okazaĵoj. Sed estas ankaŭ fakto, ke la gvida gazetaro kaj la sendostacioj en Germanujo penas silentigi la veron. Oficistoj estas maldungitaj, ĉar ili informis la publikon pri milfoja trompado fare de kontraŭ-leĝaj enmigrantoj. Oni faras enketojn kontraŭ policistoj, kiuj informis pri la vera, krima konduto de kontraŭ-leĝaj enmigrantoj. La federacia ministro pri justeco fondis agentejon por kontroli artikolojn kaj komentojn (kaj eble neigi ilin) ekzemple en Facebook, komerca babilejo en TTT; do ni havas denove cenzurejon.

En Germanujo vivas homoj el diversaj landoj kaj regionoj kun diversaj religioj: Bahaismo, Budhismo, Hinduismo, Islamo, Judismo, Konfuceanismo, Kristanismo, Sikismo, Ŝintoismo, Taoismo, Zoroastrismo. Gravajn problemojn ni havas aparte nur kun la islamanoj. Parto de ili postulas apartajn rajtojn. Bedaŭrinde multaj Germanoj pretas plenumi tiujn postulojn. Tro ofte pro la barbareca estinteco de Germanujo. Sed fakte la Germanaj faŝistoj (nazioj) bone kunlaboris kun diversaj gvidantoj de Islamo. Ili ne estis viktimoj de Germanujo, ili estas aliancanoj.

[image]

En Berlino, ĉefurbo de Germanujo, ĉirkaŭ 80.000 kontraŭ-leĝaj enmigrantoj alvenis. Unue regis ĥaoso. Sed paŝon post paŝo ĉiu el ili ricevis lokon en tranoktejo, manĝaĵon kaj vestojn; ĉiu ricevas subtenon fare de la ŝtataj instancoj. En Berlino ankaŭ ĉirkaŭ 15.000 senhejmuloj vivas. Ili ne ricevas lokojn en tranoktejoj, nutraĵon kaj vestojn de la Berlinaj ŝtataj instancoj. En kelkaj kvartaloj staras nun tute novaj domoj kun belaj loĝejoj por la tiel-nomataj rifuĝintoj - sed ne por senhejmuloj. En Berlino vivas ankaŭ almozuloj, kaj multaj infanoj devas iri en la lernejon sen antaŭe matenmanĝi. Preskaŭ la tuta politiko rondiras nun ĉirkaŭ la tiel-nomataj rifuĝintoj.

Pli kaj pli multaj Germanoj ribelas kontraŭ tiu politiko, kontraŭ la videblaj maljustaĵoj. Pro la ege altaj kostoj koncerne la kontraŭ-leĝaj enmigrantoj (en 2016 pli ol 20 miliardoj da eŭroj = 147.462.000.000 CNY), la registaro planas altigi la impostojn, kaj la Germanoj devos pli longe labori antaŭ la pensio. Sed la registaro ankaŭ planas informi pri tio la popolon nur post la baloto en ĉi tiu jaro.

头像

Reago al La rifuĝintoj ne estas rifuĝintoj!

作者 aŭtoro: 西安世界语王天义 ⌂ @, 来自 el: 陕西省西安市, 发表于 afiŝita je 星期日, 三月 12, 2017, 19:17 (612天前) @ Andreas J. PENK
编辑: 西安世界语王天义, 时间: 星期日, 三月 12, 2017, 21:15

Chielismo skribas:

Ĉijare mi jam estas sesdekjara. De mia knabeco mi jam sentis belan sorĉon de Okcidento,kiu energie propagandas sian mondon libereca kontraŭ aliaj ŝtatoj diktatoraj. Laŭ ĉina historio centjara ekzistas duspecaj inteligentuloj idealisma kaj okcidenteska (Centjare ĉineca inteligentulo ne mortas, sed silentas pro malprestiĝo de la kadukinta konfuceismo, kaj ne havas veran influon). Ĝenerale, la idealisma inteligentulo konsistas plej konataj el esperantistoj, kiuj ellaboris la ĉinan fonetikon kaj popularan literaturon cele por konstrui idealan socion, kaj la Okcidenteska konsistas plej parte el personoj studentintaj en la Okcidento,kiuj ŝtatas propagandi okcidentan demokration kaj liberecon, kaj tradukis Okcidentajn ŝtatnomojn ne vere fonetikaj(tamen vere fonetikaj por aziaj, afrikaj kaj latin-amerikaj), ekzemple tradukitaj Usono = Bela ŝtato(美国)、Francio = Leĝa ŝtato(法国)、Britio = Heroa ŝtato(英国)、Germanio = Morala ŝtato(德国)...... Tia traduko sugestas ilian preferon kaj propagandon al ĉina popularo. Fakte, tia propagando estas tre efika, ke ankaŭ multaj ĉinoj migris en Okcidenton. Mi devas konfesi, ke la Okcidenta propagando estas vere mirinda jam kiel kurioza artaĵo.Tamen lastajn jarojn la ĉino jam hezitas antaŭ tia propagando, ĉar ĉiujare pli ol cent milionoj da ĉinaj turistoj vidas fakton ke Usono aspektas kiel evoluanta lando kompare kun Ĉinio, kaj la okcidenta Eŭropo aspektas kiel granda historia muzeo...Pro tio, laste mi legis artikolon, kial pli ol cent milionoj da ĉinaj turistoj volas reveni sian hejmon?! Feliĉe tiom da ĉinaj turistoj ne volas fariĝi rifuĝontoj en Okcidento. Se jes, kio okazus?! Laŭ mi, hodiaŭ jam pasis epoko propaganda sian politikon ĝusta por sorĉi aliajn popolojn, kaj alvenas epoko kunlaborannta por konstrui pacan mondon. Ĉu ne?

Islamo. Ah, islamo! Fakte, dum la pasintaj cent jaroj kelkaj kulturregionoj kiel islama, hinda kaj ĉina faris diversajn provojn cele por atingi socian nivelon de Okcidento. Feliĉe, la ĉinkultura regiono(Ĉinio, Japanio, Koreio, Vjetnamio...) kaj ĉin-hinde miksita kulturregiono(Singapuro, Tajlando, Malajzio, Indunezio...) evoluas normala eĉ rapida pro tio ke ĉi tiu regiono estas malproksima de Okcidento. Malfeliĉe pro proksimeco la islama regiono ne havas tian kontinuan evoluadon, kvankam ili same faris diversajn provojn, kiuj ĉiuj estas rompigitaj de la Okcidentaj intervenoj je nobla proteksto. Ŝajnas ke la lokanoj jam falas en malespera abismo, kaj iuj ekstremuloj riskas sinmortigon kun aliaj, kiuj kulpigas ilian provon. Kion fari? Ankaŭ mi ne scias. Sed mi scias ke Okcidentaj politikistoj ne volas forlasi intervenon kontraŭ la regiono. Fakte la islamo estas nur proteksto por interveni la regionan aferon. Delonge mi ne komprenas, kial Okcidento havas entuziasmon detrui islamajn respublikojn, sed ne feŭdismajn reĝŝtatojn kiel Saŭd arabo kaj arabajn Emiriojn? Mi konsentas kun la aŭtoro, ke multaj rifuĝintoj estas falsaj kiel ĉinaj rifuĝintoj Okcidenten, kiuj kredas ke Okcidento estas paradizo, kie oni ne laborus kun riĉa vivo, kaj kie krimuloj ne ricevas punon(lastajn du jarojn iuj Okcidentaj ŝtatoj komencas resendi ĉinajn krimulojn... Tio mirigas ĉinajn krimulojn, ĉu Okcidento jam ne estas libera mondo?! )

[image]

--
西安世界语协会王天义
https://esperanto.taobao.com

主题RSS Feed
powered by my little forum
Free counters!