Karaj, ni bonvenigas vin al la 50a Dimanĉa Kunveno de IKEF!

Temo: Pri projekto “Kung-Fu-a Kunikleto” (animacio);

Preleganto: s-ro Maximiliano Garcia (s-ro Max el Hispanio);

Dato: dimanĉe, 23 januaro 2022;

Horo: UTC 12:00-14:00 (中国时间 20:00-22:00)

Ligilo: https://meeting.tencent.com/dm/POSmsnxMLrvX

Kunvena kodo: 734-3716-2461 (por la jaroj 2022-2023)

Koncize pri la prelego/prezento: “Kungfua Kunikleto”, fakte “Savu la Planedon kun Kungfua Kunikleto”, estas titolo de animacia filmo.

La stelulo de tiu animacio estas la Kungfua Kunikleto, blua stelulo kiu luktas por savi la planedon kun siaj geamikoj, uzante saĝajn vortojn eĉ pli ol batalartaj movoj. Ĝiaj malamikoj estas la dezertigado de la Tero, la malapero de abeloj, la fandado de la glacimontoj, la poluiga rubforigo kaj ĝenerale ĉio, kio malebligas al infanoj pli aŭtentan sperton de la naturo.

Sciencaj fakuloj helpis en la verkado por garantii la pedagogian valoron de la serio. Reĝisoras kaj filmverkas ĝin Miguel Herberg kaj Maximiliano Garcia. La sciencaj konsultantoj estas D-ro Ali Alejo, biologo, kaj Profesoro Hans Juergen Kreuzer, teoria fizikisto. Multaj aliaj helpas la projekton en siaj specifaj fakoj, kiel ekzemple la pentristino Marisol Caldito, kiu kreis la ĉefrolulojn, kaj muzikistoj de internacia nivelo.

Tiu projekto “Savu la Planedon kun Kungfua Kunikleto” aperas en la informilo de UEA por Unuiĝintaj Nacioj verkita de Humphrey Tonkin (novembre 2020).

Biografieto de la preleganto: s-ro Maximiliano GARCIA naskiĝis en 1965 en Bazelo, Svislando, en hispandevena familio. En 1971 li akiris la svisan ŝtatanecon. Kiel poligloto li parolas 8 lingvojn. En 1986 li akiris diplomon de inĝeniero pri mekaniko kaj poste laboris en kampo de kemio kaj filtrado. De 1990 ĝis 2015 li aktivis en kampo de komerco en Hongkongo kaj Pekino kaj aliaj regionoj de Sudorienta Azio konstruante strukturojn pri komerco de filmoj, fotado, industrio kaj kuraciloj por la Eŭropa Unio, la Monda Organizo pri Sano (MOS) kaj aliaj. Li ankaŭ zorgas pri komerco de teo.

Ekde 2015 li estas filmproduktisto pri la animaciaj filmoj kaj libroj de “Savu la Planedon kun Kungfua Kunikleto” kunlabore kun Miguel Herberg.

Karaj, ni ĉesu pli kaj plu rakonti, do, partoprenonte la Dimanĉan Kunvenon vi detale informiĝu pri la projekto, ĝuu la animacion kaj bone konatiĝu kun la prelegonto!

Anticipan dankon pro via partopreno!

IKEF-Estraro

--
西安希望世界语书店
http://shop.kongfz.com/34008