头像

Vorto en embusko, kaj vortoj dormantaj.

作者 aŭtoro: Petro Desmet' ⌂, 来自 el: Dendermonde, Belgio 比利时登德尔蒙德, 发表于 afiŝita je 星期四, 七月 18, 2019, 15:49 (60天前) @ Petro Desmet'
编辑: Petro Desmet', 时间: 星期四, 七月 18, 2019, 18:10

Vorto vivas kaj havas sencon nur en sia kunteksto.
Unuopa sola vorto ne ĉiam malkovrigas sin facile.
Tiel mi renkontis la vorton "limpado" ...
Ĉu vi havas ideon pri ĝia signifo?
Intertempe mi scias... sed nur poste klarigos!

Mi nun estas okupita kun preparado de la eldono de mia vasta vortaro. Mi do tralegas tutan PIV de unua ĝis lasta vorto.
Enestas tre multe da necesaj, nepre necesaj, vortoj kiujn tamen nur la specialisto devas koni. Aŭ... kiujn oni lernos, akiros, en la necesa momento. Oni konsciu pri tio! Ekzemplo? Jen: prurigo ... iu malsano, karakterizita de juko. (simpligita klarigo!).

Kompreneble, se vi suferas ĝin (= pro ĝi) vi povas iri al kuracisto kaj diri al li ke vi suferas teruran jukadon... kaj li diros al vi ke vi suferas prurigon aŭ... pruriton ĉar tio estas ankoraŭ io alia! Tiel kaj tiam vi lernos la vorton.

Cetere... la Esperantaj vortoj devigis min serĉi en medicina vortaro kaj mi lernis, kaj enigis en mian vortaron kvinon da vortoj en/de mia etna lingvo, vortojn kiujn mi antaŭe ne konis en mia nacia lingvo. Tiel oni evoluas kaj tiel eĉ maljunulo instruiĝas!


完整帖子 kompletaj mesaĝoj:

 主题RSS Feed

powered by my little forum