1. MANĜI SALON

MH

Antaŭe malsaĝulo gastis ĉe alia homo. La gastiganto regalis lin per manĝaĵo. Li sentis, ke la manĝaĵo estas sengusta. Aŭdinte tion, la gastiganto ree aldonis iom da salo en la manĝaĵon.
La malsaĝulo trovis, ke la manĝaĵo estas pli bongusta, li do pensis: “La manĝaĵo pli bongustiĝis pro la salo. Nur iom da salo povas tiel bongustigi la manĝaĵon, ĉu pli da salo ne farus ĝin des pli bongusta?”
Li ekmanĝis nur salon pro manko de saĝo. Tio damaĝis lian gustosenson kaj suferigis lin.
Aŭdinte, ke oni povas atingi sukceson en sia religia praktikado per abstinado de manĝo, iuj praktikantoj de aliaj religioj sin detenas de manĝo dum sep aŭ dek kvin tagoj, sed ilia ago nur suferigas ilin anstataŭ helpi ilin al sukceso. Ankaŭ ili similas al la malsaĝulo, kiu manĝis nur salon por ĝui bongustecon, sed fine damaĝis sian gustosenson.