Fiŝtago!

作者: Petro Desmet' , 来自: Dendermonde, Belgio 比利时登德尔蒙德, 发表于: Friday, July 02, 2021, 17:07 (251天前)
编辑: Petro Desmet', 时间: Friday, July 02, 2021, 18:09

Hodiaŭ estas vendredo, ĉi tie kaj ankaŭ ĉe vi!
Nia regiono en Eŭropo ĝis antaŭ dudeko da jaroj estis tre katolika.
Kaj la katolika religio preskribas ke oni ne manĝu viandon en vendredo!
Do, vendredo estas fiŝtago!
Katolika kredo treege malfortiĝis, sed tamen certe restas homoj kredantaj.
Plie tiu fiŝkonsumado en vendredoj iĝis kutimo kiu ne nepre plu rilatas al kredo!
Estas do logike ke ankaŭ nia manĝolivero sekvas la kutimon kaj ĉiuvendrede liveras fiŝpladon.

Mi ne intencas tutan jaron, aŭ eĉ tutan monaton skribi pri manĝo, sed mi scias ke povas tamen interesi vin, ĉar nia manĝokulturo estas tamen tute alia ol la via!

La ujoj en kiuj manĝo estas alportata estas dividita en fakoj: du, tri aŭ eĉ eble kvar.
La supo, kompreneble, estas en aparta ujo.

Hodiaŭ: celerisupo, tre forta, tre bongusta.

Ĉefplado: gado, tio estas fakte tre ĝenerala nomo por multe da diversaj fiŝspecoj, maraj, grandaj kaj elegantaj.
Sed nur specialistoj kapablas rekoni, kaj nomi, la diversajn speciojn inter kiuj moruo estas la plej ofta.
Ne temas, ĉe ni hodiaŭ, de la sekigita formo sed de la freŝa fiŝo.
La sekigita moruo estas tre ŝatata kaj ofta manĝo en Portugalujo.
La gado kuŝas en saŭco. Kia saŭco? Salikoka ŝenopreza.
Tre bongusta saŭco, ĉar la salikoketoj havas tre fortan aromon.
Ankaŭ de salikokoj ekzistas fakte cento da specoj!
La bazo de la plado, la ĉefparto, estas terpomoj, kiel kutime.
Hodiaŭ ili estas en formo de terpomkaĉo, miksita kun fenkolo kaj tomatoj.
Ankaŭ tio tre forte gustas ĉar fenkolo estas ankaŭ tre aroma, iom anizgusta kaj la aldonaj tomatoj tre freŝigas la tuton.

En la jagurto ni metis restaĵon de hieraŭaj ĉerizoj, ĉar Kjoko ne tro ŝatas ilin en tioma kvanto ĉe la plado. Ŝi suferas diabeton, do ne rajtas mamĝi tro da sukero. Ŝi do konservis parton por hodiaŭ.
Plie: traŭbojn, piron, oranĝon kaj bananon... ĉiam duonon duope.
Piro estis la tipa belga speco kiun ni ankaŭ amase eksportas, precipe al Ruslando ...
Certe ankaŭ Putin manĝas ilin... se li finigis la blokadon! Ĝi estas vendata sub la nomo "konferenco".

Mi esperas ke vi ankaŭ bonguste manĝis!

Kore,

Petro