Ne estas forŝiro de elefanta haŭto, kredu min!

作者: Petro Desmet' , 来自: Dendermonde, Belgio 比利时登德尔蒙德, 发表于: Monday, June 28, 2021, 19:39 (255天前) @ Petro Desmet'

Ne necesas ke vi klarigu la filozofion de forfikulo en dezerto! Sufiĉas ke vi rakontu simplajn ĉiutagajn aferetojn.

Ni ĵus tagmanĝis. Mi estas 87-jara kaj mia edzino 83 aŭ 84.. Mi ne ekzakte scias.
Antaŭ unu jaro ni decidis, por eviti ĉiutagajn butikumadojn ne plu mem kuiri sed lasas ĉiutage liveri manĝon, tagmeze, de komunuma servo.
La prezo ne estas alta kaj la kvalito kaj vasteco/kvanto akcepteblaj.
Kompreneble ne tiel bona kiel mem preparitaj manĝoj.
Nur la saŭcoj estas pli bonaj ol mempreparitaj ĉar ili povas, pro la amaspreparado, enmeti ĉiujn ajn iom rarajn ingrediencojn.

Ĉiam estas supo kaj ĉefplado.
Supo hodiaŭ estis florbrasika supo. Ĉefplado estis endivioj kiel legomoj, malgrandaj terpomoj kaj stufita tre spica stufita bovidaĵo. La endivioj estis stufitaj en iu lakteca saŭco.
Ni mem aldonis deserton: jahurton/jogurton kun perzika konfitaĵo kaj iom da vinberoj, iom da fragoj kaj oranĝon.

Nun mi klopodas digesti kaj ripozi!

Ĝis!!!

Petro