Abismo inter manĝoliveroj - Beŝamelo

作者: Petro Desmet' , 来自: Dendermonde, Belgio 比利时登德尔蒙德, 发表于: Sunday, July 04, 2021, 15:49 (249天前) @ Minosun

Dankon, Minosun.

Vi pravas! Sed eĉ en nia malgranda lando, kiu en sia tuto estas eble eĉ pli malgranda ol nura Pekino (plej granda distanco estas nur 300 km!)
en kiu loĝas nur dek miliono da homoj, sed tamen du malsamaj gentoj, estas jam grandaj manĝodiferencoj inter nordo (flandroj, kiel mi) kaj sudo (valonoj). Sed la diferencoj iom post iom iĝas pli malgrandaj.
Ankaŭ ili iĝas pli malgrandaj inter landoj.

En nia lando nun jam en ĉiu urbo estas minimume unu
ĉina restoracio kaj ĉiu homo ĉe ni de tempo al tempo iras manĝi ĉine!

Vi rimarkos ke ni ankaŭ kelkfoje en monato ricevas rizopladon.

Brunaĵo estas la bazo por multe da diversaj saŭcoj. Ĝia ĉefa karakterizo kaj celo estas: iom dikigi la saŭcon.

Via propinita nomo por tiu ĉina brunaĵo, kvankam mi ne bone scias kio ĝi estas kaj kiel oni manĝas ĝin, estas certe bona!

Poste mi daŭrigos ĉar nun tempo mankas!

Ĉi matene ni manĝis bulkojn, kukbulkojn aŭ bulkkukojn ... kiel plej multaj nialandanoj, almenaŭ en Flandrujo.

Dankon pro via teksto!