5. SOIFA MALSAĜULO

Esperantigis 妙慧师父

Iam estis homo, al kiu mankis saĝo. Li soifegis kaj deziris trinki akvon. Vidinte vaporon estiĝantan pro varma vetero, li opiniis, ke ĝi estas akvo. Li do iris al ĝia direkto eĉ ĝis li atingis la Hindian Riveron. Sed, atinginte la riveron, li nur gapis anstataŭ ektrinki.

Oni demandis al li: “Vi serĉis akvon pro soifo, sed kial vi ne ektrinku starante ĉe la akvo?”

La malsaĝulo respondis: “Mi trinkus se mi povus eltrinki la tutan riveron. Sed estas tro da akvo por eltrinki, mi do trinku neniom.”

Aŭdinte tion, ĉiuj eksplodis per ridego.

Simile, iuj praktikantoj de aliaj religioj sin tenas al malĝusta vidpunkto. Ili ne akceptas la budhismajn disciplinojn, opiniante, ke ili ne povas tute observi ilin. Pro tio ili daŭre vivos en la samsaro de la ses vivstatoj kaj havos neniom da ebleco por sin liberigi en la estonteco. Ili similas al la malsaĝulo, kiu rifuzis trinki akvon ĉe la rivero kaj ricevis mokon de aliaj homoj.