Programoj－Tajpi Esperante
Por parolantoj de Esperanto, la unua bezono estas programo tajpi la 6 ĉapelitajn literojn. Jam estas multaj programoj por fari tion.
por komputilo
1. Simpla Tajpilo de Esperanto
Simpla Tajpilo, la plej facile uzebla programo por tajpi Esperantajn ĉapelitajn literojn en Windows (de Windows XP ĝis Windows 11).
Oni ne bezonas instali ĝin. Simpla Tajpilo estas portebla programaro. Elŝutinte aŭ kopiinte ĝin, oni tuj povas komenci uzi ĝin. Ekzemple, por tajpi la literon ĉ, oni unue tajpu punktokomon (;), kaj poste la literon c. La litero ĉ tuj aperas sur la ekrano.
Simpla Tajpilo havas du versiojn. Se vi aĉetis vian komputilon en la pasintaj 10 jaroj, vi povas uzi Simpla Tajpilo 2.4 (x64); sed se via komputilo estas pli malnova, vi povas uzi Simpla Tajpilo 1.4 (x32). Se vi ne scias la specifojn de via komputilo, vi povas uzi Simpla Tajpilo 1.4, ĉar ĝi funkcias de la malnova Windows XP ĝis la plej nova Windows 11.
Programo Simpla Tajpilo funkcias per sistemnivela klavara hokado (por kapti klavkombinojn), kaj pro tio iuj kontraŭvirusiloj erare raportos ĝin kiel trojan programon. Bonvolu elekti “Permesi ruliĝi” aŭ aldoni ĝin al la blanka listo. Programistoj povas lasi mesaĝon por peti la fontkodon.
2. Amiketo
Alia rekomendinda estas Amiketo. Mi uzis ĝin en Windows 2000, xp, Windows 7 , Windows 10 kaj Linux Mint 18.2. Bedaŭrinde ĝi estas neuzebla en Linux Mint 19 ĝis 23.
Krome, Amiketo havas ankaŭ version de Mac OS X. Ĉar mi rifuzas produktojn de kompanio Apple, tial mi ne povas prezenti ĝin al vi.
La programon oni ne bezonas instali en Windows. Ĝi havas nur unu dosieron. Elŝutinte al en la komputilo, oni povas rekte uzi ĝin.
Retejo de Amiketo: https://klivo.net/amiketo
Nun Windows jam povas bone trakti esperantajn ĉapelitajn literojn. La montrado de la literoj estas senproblema. Multaj ofte uzataj tiparoj en Windows enhavas esperantajn literojn, ekzemple Times New Roman, Arial, Calibri, Comic Sans MS, Tahoma, Verdana, ktp.
Se via nacilingva Windows vere ne povas montri esperantajn ĉapelitajn literojn, vi povas instali tiujn du senpagajn tiparojn, kiuj enhavas esperantajn literojn:
NotoSans-Regular.ttf
NotoSerif-Regular.ttf
Jen la aspektoj de la du tiparoj:
Por poŝtelefono
En poŝtelefono kun Android, la plej rekomendinda programo tajpi Esperante estas Any Soft Keyboard. Mi povas uzi ĝin en Android 4.2.2 ĝis 7.1. Laŭ mia memoro, ĝi eĉ havas malnovan version por Android 2.2.
Instalu programon Any Soft Keyboard per Google Paly:
https://play.google.com/store/apps/details?id=com.menny.android.anysoftkeyboard&hl=en
Por tajpi Esperante en poŝtelefono de Apple:
https://ludisto.com/app/esperanto-klavaro
……
Programoj-ofte uzataj programoj en Esperanto