Dankon pro via ĝentila reago!

作者: Petro Desmet' , 来自: Dendermonde, Belgio 比利时登德尔蒙德, 发表于: Thursday, August 26, 2021, 17:55 (196天前) @ XuYifei
编辑: Petro Desmet', 时间: Friday, August 27, 2021, 13:56

Estimata kaj kara amiko,

Dankon ke vi ne konsideris mian rimarkon kiel ofendan. Mi mem sentis min iom (aŭ eĉ tre!!!) pedanta kaj pardonpetas!

La mediala voĉo estas por studentoj de la greka, almenaŭ ĉe ni, iu koŝmaro, ĉar ĝi ne ekzistas en multaj lingvoj!
Mi mem studis la grekan ... antaŭ longe... kaj viaj mallongaj mencioj de grekaj ekzemploj nepre ne sufiĉis por reaktivigi mian iaman scion.
Sendube estas frazoj en kiu uzo de -iĝ similas aŭ eĉ reproduktas tiun formon.

Mi vidas PAG kiel klopodon priskribi kiel la diversaj ekzistantaj gramatikaĵoj el (k)iu ajn lingvo estas transdoneblaj en Esperanto... do tute ne kiel iun Esperantan gramatikon.

Sendube viaj esploroj estas interesaj kaj riĉigaj kaj mi deziras al vi plenan sukceson!

La Verda Reto povus esti bonega loko por interŝanĝi ideojn. Se nur pli da neĉinoj ĝin vizitu kaj uzu ... kaj se Ĉinoj pli ofte komunikus en Esperanto!
Ni esperu ke ĝi evoluu en tiu direkto.

Esperanta gramatiko estas minimuma kaj nepre preskriba. Sed Zamenhof ankaŭ klare anoncis, en la fundamento, ke ĉion kio ne estas eksplicite preskribita ĉiu havas la rajton solvi laŭ sia kompreno kaj eblo! Kaj ĝuste pri tiu parto estus utili ke oni interŝanĝu ideojn!

Mi ŝatus klopodi atentigi helenistojn pri via kontribuo!

Mi ĵus kontrolis kaj trovis ke tiu ideo de Zamenhof ne aperis en la Fundamento, sed en la Deklaracio de Bulonjo.
Mi kopias:
Ĉiun ideon, kiu ne povas esti oportune esprimata per tiu materialo, kiu troviĝas en la "Fundamento de Esperanto", ĉiu esperantisto havas la rajton esprimi en tia maniero, kiun li trovas la plej ĝusta, tiel same, kiel estas farate en ĉiu alia lingvo.