Paŝo pli proksimen al Ĉinujo: Nudelomanĝo!

作者: Petro Desmet' , 来自: Dendermonde, Belgio 比利时登德尔蒙德, 发表于: Wednesday, June 30, 2021, 16:53 (253天前)
编辑: Petro Desmet', 时间: Wednesday, June 30, 2021, 17:33

30.06.2021.
Hodiaŭa manĝo alproksimigas min al Ĉinujo, ĉar ĝia bazo estas nudeloj.
En nia lando jam relative longe enkondukiĝis italaj pladoj.
Mi supozas ke tio okazis ĉar multe da italoj, post la dua mondmilito, venis al nia lando kiel gastlaboristoj en la minejoj.
Tial ankaŭ nia nuna manĝolivero regule enhavas italajn pladojn.
Hodiaŭ estas plado kiun oni itale, kaj preskaŭ en ĉiuj lingvoj, nomas taljatelo.
Tamen la bona itala vortaro de Karlo Minaja sugestas en Esperanto: nudeloj.
Mi preferus iom pli precizan esprimon: nudelrubandoj.

Ĉar temas pri rubandoj 6 milimetrojn larĝaj (antaŭ preparo, ĉar poste 7 mm-ajn) kaj nedinite longaj.
Estas pastoj.
La pasto prepariĝas el ekzemple 400 gramoj da malmoltritikfaruno miksita kun 400 g da grio, 8 ovoj, 2 kuleroj da olivoleo kaj iom da salo .
Oni miksas, vindas en plastikfolio kaj lasas malvarmiĝi en glaciŝranko dum kvaronhoro.
Poste oni premu kaj per ligna rulilo, ligna rulcilindro, produktu (faru) pastotavolon, maldikan (kelkmilimetran) kiun oni tranĉu en sesmilimetrajn larĝajn rubandojn. [Pli bona nomo, anstataŭ rulilo, certe estas rulcilindro aŭ tute precize sed iom komplikite: pastotavoligilo].
Cetere la itala nomo estas derivaĵo de itala verbo tagliare, kiu signifas "tranĉi"!
Mi pensas ke ankaŭ Ĉinoj faras paston tiamaniere, ĉu?

Preparo de plado: en bolanta akvo, kelkajn minutojn, ... la pasto devas resti iom rezista, iom malmola - al dente diras italoj (manĝpreta).

Ĝi estas nur bazo de plado! Gravas aldonaĵoj, precipe la saŭco!
Nia hodiaŭa estas en laktokremsaŭco. Plie ene estas arbarfungoj kaj pecoj da kokida viando.

Supo hodiaŭa estas, almenaŭ tiel estas indikita ... sed ofte false indikita: brokolosupo.
Per tiu brokolosupo ni restas en Italujo, ĉar tiu legomo estas ĉe ni ne jam tiel longe konata!
Nur de post la milito kaj ĝi estis importita de Italujo.

Ĝis morgaŭ!

P.